How I Got More Than 20 Interviews in Only One Week?
12/12/2022
لينكد إن بيعُتبر اكتر تطبيق بيقدر إنه يبين مهاراتك و شُغلك ل مديرين التوظيف.
و لكن أغلب الناس علي لينكدان بينزلوا بوستات و يِمكن كثيراً بس برضه مش بيجِلهم التفاعُل اللي بيكونوا مستنيينه.
مش اي بوست يخليك تتعرف اكتر و تِكَبر دايرة معارفك. و لكن توظيف شغلك في البوستات صح و إنك تدي للناس معلومات يستفيدوا منها هي اللي بتخليك تِتعرف لمديرين التوظيف بسهولة و تسهِل إنك تتقِبل أسرع.
و ده بيجي من انك تتكلم علي مهاراتك و خبراتك و جودة الخدمات اللي بتقدر تقدمها و اللي هيفرق في الشركة، لإن أول سؤال هيتقال: انتً هتفيد شركتي ب ايه؟
و لما تنرل بوستات بشكل مستمر و يبقي خلاص واضح لمديرين التوظيف انت هتفيدهم ف ايه، و شغلك اللي هتعمله. فبالتالي ساهِمت ف إنك تتعِرف بشكل اسهل و اسرع و مديرين التوظيف و بنيت لنفسك اسم و علامة مميزة في المجال.. ساعتها هيبعتولك علي لينكد إن بكل سهوله لتحديد مقابلة او تنفيذ مشروعات
و مش بس شغل، ممكن تنزل دورات تدريبية، مقتطفات من حياتك المهنية، مواقف اتعلِمت منها، معلومات جديدة في المجال، أو حتى بوست تعلم فيه المبتدئين في مجالك علشان تسهل عليهم الطريق و مايقفوش قدام نفس الصعوبات اللي واجهتك. و ده هيساعدك انك تكَبر دايرة معارفك من نفس المجال و ده بيفرق بشكل كبير اوي مع مديرين التوظيف. و خد بالك الاسم القوي مبيتعملش في يوم و ليلة... بناء البراند Marathon مش Sprint. و الناجح فيه هو اللي بيستمر في العطاء
و بعد فترة كل ما تكَبر دايرة معارفك، كل ما التفاعل هيزيد، كل ما هتتعرف اكتر و هتبقي انت اليد العليا و اللي بتتفاوض مع مديرين التوظيف مش هما.
دايماً خليك فاكر '' مقامك دائماً حيث اقمت نفسك، لا حيث اقامك الناس''
و إن قد ايه تبين انجازاتك و تقدم نفسك صح، و قد ايه هتفيد الشركة، بحيث يعرفوا قد ايه انت شخص استثنائي ب انجازاتك من خبراتك السابقة.
و كل ما تبين مهاراتك بالشكل الصح، كل ما هتوصل أسرع للشغل اللي نفسك فيه.
