Getting out of the Me Mindset
22/10/2022
لو بقالك فترة طويلة في رحلة البحث عن وظيفة ومش بيجيلك النتيجة اللي انتَ منتظرها، هتلاقي دايماً سؤال واحد بيخطر على بالك ''ليه مش عارف أوصل للوظيفة اللي نفسي فيها؟''
لو عملت انترفيوبس محدش بيكلمك بعدها: المقالة دي هتساعدك بكل الاسئلة اللي بتدور في دماغك
- · من المفترض ان الصورة دي لرجُل عاطل عن العمل-
- · بس السبب الأكبر لعدم حصوله على وظيفة تكمُن في الاعلان اللي هو كاتبه و بيعبر بيه عن نفسه-
- - تعالي نتخيل أنك بتوظف حد في شركتك، هل هتوظف الشخص ده؟
- كل الإعلان الي ماشي بيه على ظهره مليان أنا، أنا، أنا…
- لازم نعرف إن محور الكون ليس "أنا" و لكن القيمة اللي نقدر نضيفها
هو كاتب:
● بعرف اشتغل ٣ حرِف.
● بتكلم ٣ لغات.
● حارب لمدة ٣ سنوات..
● عنده ٣ اطفال، وعاطل عن العمل لمدة ٣ شهور
● بس انا بدَور علي شغلانه واحدة.
طيب يلا نحلل اللي كاتبة بالتفصيل من وجهه نظر حد عايز يوظفه:
- بعرف ٣ صناعات
إيه هما؟
- بتكلم ٣ لغات
لو حد بيعين حد يبتكلم اسباني, هيعرف منين انه بيتكلمها؟
حارب لمدة ٣ سنوات
- عنده ٣ اطفال، ومشتغلش لمدة ٣ شهور
عادي معظم الناس عندها اولاد..
- بس انا عايز شغلانه واحدة.
ما يمكن انتَ أصلاً مش شاطر في الشغل.
إيه اللي هيخليني اوظَفك؟
هل عرفت حاجة واحدة هو شاطر فيها بعد الاعلان ده او أى إنجاز حقيقي عمله تخليك كمُدير توظفه؟
الحلول اية؟
ديماً حاول تجنب إضافة أي كلام مش هيفيد مدير التوظيف.
الراجل ده اللي عمله انه كَتب إعلان وحاول يستغل التعاطف مع مدير التوظيف، بأنه حارب وعنده اطفال، وكأن في شخص مُدين له بالعمل لمُجرد أنه عنده ٣ أطفال.
في مقولة بتقول "مقامك حيث أقمت نفسك لا حيث أقامك الناس"
فحتى لو كسب تعاطف مسئول التوظيف بأنه كان بيدَور وبيسعي لشغل معين، هتكون النتيجة وظيفة لا تليق بيه أو بخبرته الطويلة أو علمه.
لو انا مدير و هعينك و هدفعلك فلوس، إيه اللى هتعمله في المقابل؟
إيه اللي هيخليك مختلف؟ و إزاي هتساعدني ؟
لازم تحاول تقدم نفسك ديماً صح وبكلام قليل باللي انت بتعرف تعمله بجد، بإنجازاتك، إنك تخرج برا عقلية ال ''أنا'' و تفَكر في مُتطلبات الوظيفة، عشان تديهم اللي هما محتاجينله. لازم توضخ انك مش هتكون مجرد فرد يمكن استبداله بأي شخص تاني، و لكنك شخص مميز و عندك مهارات استثنائية مثبتة بإنجازاتك من خبراتك السسابقة.
وفي الحالة دي بس، ضَمنت انتباه مدير التوظيف.
وفي الصورة دي إحنا غيرنا الكلام المكتوب بالكلام اللي هيفيد مسئول التوظيف. واللي هيفرق في قرار تعيينك من عدمه..
أضفنا الحِرف اللي هو بيعرف يعملها واللغات اللي بيتكلمها و مهاراته اللي بتساعده في انه يتقِبل بسهوله في الشغل.
وبعد الصورة الجديدة لو شُفت الاعلان ده هتعَين الراجل ده ولا لأ؟
مُديرين التوظيف مش هيركزوا في ال CV علي احتياجاتك، قد ما كل تركيزهم هيبقي ف ازاي هتساعد الشركة اللي هتتعين فيها.
ومش بس الراجل ده: في ناس كتيره متخرجة جديد وناس بقالها سنين نفسها تغير شغلها بس مش عارفة توظف الكلام الصح في ال CV فبتفضل في نفس مكانها.
ومش بس في ال CV, كمان بيعانوا في عدم انهم يِملوا بيانات لينكد إن بروفيل واللي أي مسئول توظيف عشان يعينَك اول حاجة بيشوفها.
وحتى لو بقالك سنين وجيت تغَير ومكتبتِش إنجازتك ومهاراتك ومؤهلاتك، هتفضَل في نفس المكان.
" ال سي في و بروفيلك علي لينكد إن بيعبروا عنك بشكل كبير, و ديماً خليك فاكر"الإنطباع الأول بيفرق
لازم ديماً تظهره انجازاتك وازاي انت كنت كويس ومفيد في شغلك.
ممكن حد يكتب '' أنا خبير في التسويق'' من غير ما يكتب إنجازاته في المجال.
إيه الكلمات الي ممكن تضيفها في لينكد إن وCV، يخليك من اوائل الناس اللي أي مدير توظيف يكلِمهم؟
- ومع أنك توضح كل انجازاتك ومهاراتك هيساعد كمان إنك تكَبر دايرة معارفك و ده بيخليك تتعرف اكتر، كل ما كانت الناس دي في نفس المجال.
- وإنك تكتب مهاراتك بالشكل الصح، كل ما هتوصل أسرع للشغل اللي نفسك فيه.
